Historia

1904ko abuztuaren 29an, D. Jorge Satrustegik nagusitutako donostiar talde batek garai hartan SAN SEBASTIÁN RECREATION CLUB deiturikoaren fundazio akta altxa zuten, gizartean onartutako mota guztietako entretenimendu eta kirol jokoak finkatu eta antolatzeko.

historia-rctss

Bere lehenengo bi urteetan, elkartea Ategorrietan kokatu zen, Ulia mendiaren azpian, eta donostiarrei tenisa ezagutzeko helburuarekin, bere I Nazioarteko Lehiaketa antolatu eta ospatu zuen 1904. urte bertan Txofreko zezen plazan.

Garai hartan hiriak 42.500 biztanle zituen eta udarako oporrak igarotzeko leku bezala ezaguna zen jada. Donostiara Mª Kristina erreginaren iritsierarekin, bere alaba eta bere hil osteko seme, jada errege zen Alfonso XIII-rekin, hiriak Estatuko hiririk kosmopolitena eta udako hiri bihurtzeko bultzada jaso zuen. Miramar jauregia eraikitzeko agindua eman zuen, kasino zaharrarekin batera Donostiako eraikinik esanguratsuenak izan zirenak urte askotan zehar. Kultura eta fintasun artistiko zabalarekin, hiriko idiosinkrasian integratu zen guztiz, hiriko I urrezko domina jasoz. San Sebastián Recreation Club-eko ospakizuen guztietara joaten jarraitu zuen, bereziki 1906. urtetik aurrera, Elkartearen instalakuntzak Ondarretan kokatu zirenean, Miramar jauregiaren magalean.

Ategorrietako instalakuntzak txiki geratzean, kirolaren gazte talde sutsu batek, tenis jarduerekin batera, belar gaineko hockeya, futbola, cricketa, hipika, poloa, golfa eta atletismoa bezalako beste kirol batzuk barneratu zituzten, eta urtebetez Merry del Val markesen Aieteko Toki Eder lursaila erabili zuten tenisera jokatzeko, Ondarretan gaur egungo Zumalakarregi eta Beatriz Infanta Etorbidean kokatuta dauden Elkartearen instalakuntza berrien prestaketa burutzen zen bitartean, zeintzuk 1906. Urteko irailaren 8an ireki ziren, Teniseko Nazioarteko III Txapelketarekin. 5 tenis pista zituen, beranduago 6 izango zirenak, azken hau ikusleentzako harmailekin, gizonentzako ur hotzeko dutxadun aldagela, eta emakumezkoena bainu eta ur beroarekin.

Inguruan zeuden zelaiak erabilita, futbola, hockey, cricket eta rugby bezalako kiroletara jokatzeko zelai bat jarri zen erabilgarri, eta lursail eta zaldi-heztegi bat hipika eta jauzientzako. Futbolean, Recreation Club taldea Espainiako txapeldun suertatu zen.

Bere bazkide fundatzaile eta oinordekoen artean nazioarteko, olinpiko, Espainiako txapeldunen zerrenda amaigabea zen modalitate ezberdinetan, Elkarteko lehen futbol taldea eta hockey, euskal pilota, atletismoa, boleybol, eskubaloi, saskibaloi, hipika, polo, igeriketa, rugby, nautika eta cricketa bezalako kiroletan. Hain zuzen ere, Ekartearen garaipen-zerrenda zabalean Ingalaterrako selekzioaren aurka lortutako garaipena nabarmentzen da, 1910. urtean gure Kontxako badiara iritsi zena. Irletatik kanpoko porrot bakarra eta gainera Estatuko kirola zen jardueran.

I Mundu Gerraren ostean, tenisa kirol olinpiko bihurtu zen bere ospea handituz joan zen horrela, Suzanne Lenglen jokalari frantsesa ezagutzera eman zelarik. EEBBetako tenis talde txapeldunak, Vincent Richards bakarkako txapelduna barne, Norris Williams eta Watson Washburn kideekin batera, Ondarretan exhibizio partida bat jokatzea onartu zuten, Davis Kopako espainiar taldeko Jose eta Manuel Alonso eta Eduardo Flaquer aurkari izan zituztelarik.

Mª Kristinaren bermearekin, Donostiako udaletxea eta D.Jose Elosegui alkatea buru, hainbat ministeriorekin negoziazioei bide eman zitzaien, bereziki Itsas armadakoarekin, Ondarretako hondartzaren ingurua urbanizatu eta edertzeko helburuarekin. R.O.aren bitartez Donostiako Udaletxeari Ondarretako hondartzeko gune bateko betelana eman zitzaion, lorategi eta tenis zelaiak eraikitzeko erabiliko zena.

Udaletxeak Teniseko Elkarte Erreak berriarekin konbenio bat sinatu zuen, lursail horien usufruktua lagaz. Elkarteak Donostiako Tenis Elkarte Erreala izen berria hartzen du, erregearen kontzesioz eta modu honetan kirol honek helburu maila eta SS.AA. denominazio soziala eskuratzen ditu. Beatriz eta Cristina infantek bere parte hartzearen bitartez Elkarteko erakundeak ondratzen dituzte.

Ondarretako marismetako instalakuntza berrien inaugurazioa bat etorri zen Espainian zorizko jokoen debekuarekin. Alderdi Eder-eko Kasino Handia eta ireki berria zen Kursaal Kasino Handia itxita, udako gizarteak bizitza soziala eta luxuzko bitzitza izaten jarraitu nahi zuen. Teniseko Elkarte Erreala, bere kirol garaipen zerrenda bikaina alde batera utzi gabe, bere aretoak hobetzeaz arduratu zen, bere zerbitzuak 22 langilerekin zabaldu zituen, ekitaldi sozial, ezkontza ospakizun, jendaurreko ospakizun, dantzak, ikuskizun ugari antolatuz. Teniseko eskaria handituz joan zen, batez ere Donostiako Zinemaldia antolatzen hasi zenetik aurrera.

1929. urtetik aurrera, urtez urte, mundu mailako tenis jokalari onenak etorri ziren, Tilden-ak, Cochet, Jean eta Edouard Borotra anaiak, Richard, Hoad, Segura, Santana, Emerson, Gimeno, Alonsotarrak: Pepe, Manolo y Asís, eta emakumeen artean Lilí Alvarez, Pepa Chavarri, María Morales, Bella Pons, Pepa Gomar…Petra frantsesak ere jokatu zuen, Winbledoneko irabazlea, Cochet, Borotrá, Lacoste eta Brugnon-ekin batera Davis Kopako talde frantsesa osatzen zuena, hiru urte jarraian entsaladeraren irabazleak izan zirenak. 1934. urtean, William Tilden jokalari estatubatuar mitikoak bisitatu zigun jokalari profesional bezala.

historia-rctss-2

1946. urtean bi eraikin berri ireki ziren, bi pisuko aldagelak eta harrera, eta atezaindegia, Juanita Anderea ezagunarekin, pisten erreserben arduraduna eta Elkarteko entrenatzaile ospetsua zen Santos Antolinez semearekin ezkondua.

50. hamarkadan Manolo Santana agertu zen, I Nazioarteko Junior txapelketa irabaziz. Juan Karlos printzea partida batzuetan ikuslegoaren artean izaten zen, zeinek patin gaineko hockey-az gain, ekitazioa, frontoiko pala, tenisa edo squach-a gustuko zituen.

Elkarteak 1950. Urtean antolatutako Espainiako txapelketan Emilio Martinez suertatu zen garaile, Andres Gimenoren parte hartzearekin, eta 1955ean Mulligan australiarrak irabazi zuen.

Urte haietan Kramer Trouppe-ak parte hartu zuen, mundu mailako jokalaririk onenekin: Pancho González, Pancho Segura, Toni Travert eta Jack Krammer, 60. Hamarkadan bisitaldia errepikatuz Andrés Gimeno, Rod Laver, Lew Hoad, Stolle eta Emerson jokalariekin batera.

67. urtean Espainia eta Australia arteko lagun arteko partida ospatu zen, non Manolo Santanak Stolle-ri nagusitu zitzaion, Arilla-k Mulligan-en aurka galdu zuen eta binakako partidetan espainiar bikoteak australiarra hartu zuen mendean. Elkarteko pistetan Davis Kopako jokalariak ez ziren inoiz falta izan, besteak beste, Couder, Arilla, Gimeno, Santana, Gisbert, Orantes eta Higueras.

Donostiako Tenis Elkarte Errealeko instalakuntzarik ezagunena 1954an itsasoko urarekin eraiki zen igerilekua izan zen. Amerikar komunikabideen goraipamen onenak jaso zituen, zinemaldiko atzerritar kazetarien eta bereziki Mel Ferrer eta bere emazte Audrey Hepburn aktoreen eraginez zalantzarik gabe.

Elkarteak igeriketa talde indartsua sortu zuen, waterpolo-ko beste talde batzuez gain, eta ikastetxe eta zentro ugarietarako igeriketa ikastaroak antolatzen hasi zen.

Txiki Tenis leku arrakastatatsu bihurtu zen, 1956. Urtean gazteentzako topaketa gune bihurtu zena, izan ere nahiz eta bere tamaina txikia izan, bertako gazteen eta udako kanpotar gazteentzako lekurik gogokoena zen.

1945 eta 1975 urte bitartean, Elkarteak ikuskizunaren munduan eragin nabarmena izan zuen, batez ere udako hilabeteetan, dantza, kantu, umore eta orkesta munduetako lehen mailako profesionalen emanaldiekin.

Teniseko Federazioa Internazionalak eskatuta eta Davis Kopako kanporaketa jokatzeko asmoz, 1968. Urtean pista estalia zabaldu zen, Manolo Orantes, Manolo Santana, Arilla eta Gisbert-ek estreinatu zutelarik. Pista honi esker, beste ekitaldi garrantzitsu ugari antolatu ahal izan dira, besteak beste, taldekako Sofia Printzesaren Kopa, Italia, Txekoslovakia, Britainia Handia eta Suediako taldeekin, finalean txekiarrak italiarren aurka gailendu zirelarik 4 eta 1. Txapelketa honen ondoren beste batzuk ospatu ziren, LXV. Nazioarteko Txapelketa, XXXV Jorge Satrustegi Kopa eta Suchard Txokolatearen I Saria bezala. Marka suitzar ospetsu honek, gure hiriarekin eta Antiguo auzoarekin harreman estua zuena, ekitaldi asko babestu zituen.

Familia bazkideen kopuruaren hazkundeak Sagutxo Haur Elkartearen irekiera suposatu zuen, bazkideen seme alaba txikientzako joko eta jarduerak antolatzeko begiraleekin.

80. hamarkada hasieran, Elkarteak bere urterik latzenak bizi izan zituen, Donostian udako oporraldiak igarotzen zituzten familien gehiengoak bajan eman zirenean. Udaletxeak Tenis Ondarreta Udal Fundazio Publikoa sortzeari esker, Tenis Elkarte Errealak bizirautea lortu zuen txapelketen eta ikastaroen antolaketa teknikoarekin jarraitu ahal izateko. Elkarteak 4 pista gogor zituen, ondoren bi gehiago irekiz, eta buztinezko 5 pista gehi pista estalia.

Tenis Ondarreta Udal Fundazio Publikoaren instalakuntzak udalbatzarraren erabakiz Udal Kirol Patronatuak kudeatzera igaro zirenean, Elkartearen biziraupena bermatuz, instalakuntzaren erabiltzaile bat gehigo izatera pasaz, eta teniseko ikastaroetan ezik, kudeaketa tekniko guztietatik at geratuz, Elkarteak 850 bazkide galdu zituen.

1998ko martxoan, Donostiako Udaletxean zerbitzu publikoaren kudeaketa kontratua sinatu zen. Tenis Ondarreta kirol instalakuntzak Udal Kirol Patronatuaren eta Elkarte beraren artean.

Lehiaketa publiko honen adjudikazioak Tenis Elkate Errealarentzat instalakuntzen berritze lanak egitea suposatu zuen, hainbat eragozpen eta zailtasun igaro ondorean azkenean martxan jarri ahal izan zirenak.

Berritze proiektuak bi fase izan zituen. Lehenengoan pista estali zaharra desegin zen, aldagela zabalago eta modernoagoak zituen erakin berri batez ordezkatuz, hiru padel pista berri, gimnasio berri bat, erabilera anitzeko bi areto, bi frontoi txiki eta kafetegi eta jatetxe baten sorrerarekin. Fase hau 2003ko abuztuan amaitu zen.

Bestalde, instalakuntzen berritze lanen bigarren fasea 2004 urtearen amaiera aldera bukatu zen. Konkretuki, 2004ko abenduaren 17an bi ekipamendu berriren irekiera ospatu zen: teniseko bi pista estali eta padeleko estali gabeko bi pista. Odon Elorza Donostiako Alkateak irekiera ekitaldia nagusitu zuen, non Albert Costa eta Feliciano Lopez tenis jokalariek partida bat jokatu zuten. Ekitaldi honek Elkartean ehungarren urteurrenari amaiera emateko balio izan zuen, 2004ko abuztuaren 29an 100 urte bete zituelarik, Gipuzkoako kirol Ekarte dekanoa izateko ohorea izanez.

Eraikin berrien berritze eta eraikitze lanen ondoren, tenis pista guztiak berritu ziren baita ere, Elkarteko atal berri baten irekiera suposatu zuen piraguen biltegia sortzearekin batera: Piraguismoa. 2006 urtean “Villa Juanita”ko bulego berriak ireki ziren, bazkideei arreta hobeagoa eskeintzeko helburuarekin. Modu honetara, arreta azkar eta laburreko gaiak jorratzen diren sarrerako gunea ere berritu zen, idazkaritzan denbora gehiago behar duten gaiak eta galderak jorratzen diren bitartean.

Azken urte hauetan zehar Elkarteak bere eskaintza dibertsifikatu du fitnesseko gune guztia bezalako atal berriak sortuz eta giro soziala sustatzeko jarduera ludiko eta kultural ugariren antolaketarekin.

Berritasunak ez dira ohiko jarduerarekin amaitu izan ere 2007 urtetik Elkarteak Padel Protour (padeleko txapelketen goi mailako kategoria) zirkuituko froga bat antolatzen baitu, eta 2008 urtetik Donostiako Teniseko Nazioarteko Txapelketa tradizionala berreskuratu du, ATP CHALLENGER TOUR formatupean.

Donostiako Tenis Elkarte Erreala, 108 urteko historiarekin, gaur egun inoiz baino gazteago aurkitzen da eta hazten jarraitzeko asmoz.

 

Share